Um árabil hefur lítil hljómsveit á vegum SN heimsótt skóla á Akureyri og í nágrenni, leikið fyrir nemendur, kynnt þeim hljóðfæri og fengið þá til að taka þátt í tónlistarflutningi. Starfsárið 1999-2000 voru fyrstu skólatónleikarnir haldnir en þá var flutt tónverkið Djákninn á Myrká eftir John Speight. Grunnskólarnir á Akureyri og Eyjafirði voru heimsóttir og haldnir samtals tuttugu tónleikar. Þóttu tónleikarnir heppnast ákaflega vel og því var ákveðið að halda áfram að vinna að tónleikum innan grunnskólanna. Nú hafa skólatónleikar fest sig í sessi og starfsárið 2007-2008 voru heimsóttir skólar allt frá Skagafirði austur á Þórshöfn og haldnir yfir 30 tónleikar fyrir nemendur í 18 skólum.

Aðal styrktaraðilar skólatónleika SN hafa verið KEA, Menningarráð Eyþings, Menningarborgarsjóður, Pokasjóður og Sparisjóðir á Norðurlandi.

Djákninn á Myrká
Pétur og úlfurinn
Lykillinn
Kynning á sinfóníuhljómsveit
Stúlkan í turninum
Næturgalinn
Málmblásarakvintett
Lykillinn